المنظر ده ميعديش

سيف مجاهد

عضو جديد
إنضم
31 أكتوبر 2009
المشاركات
1,450
مجموع الإعجابات
137
النقاط
0
منظر كلنا بنشوفه يا جماعه ..
واحد قاعد فى عربيه أحدث موديل زى الباشا..

وواحد تانى جاى هدومه مقطعه وحالته مبهدله وواقف يمسحله العربيه..

يقوم صاحبنا دايس على زرار ..

ازاز العربيه يتفتح..

ويقوم صاحب العربيه مدي للراجل جنيه ولا اتنين..!!!


ربنا بيقولك المنظر ده ميعديش ..!!

ربنا بيقولك :

(انْظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا)





ربنا جعل كل حاجه فى الدنيا درجات..

الجمال درجات..

الذكاء درجات..

المناصب درجات..

وكذلك الاخره..

الميزان درجات..

والمرور من على الصراط درجات..

والجنه درجات..!


الفرق بين الدرجه واللى بعدها زى الفرق بين السماء والارض..!!


تخيل ندمك هيبقى شكله ايه لو اتحرمت من انك تبقى فى درجه اعلى فى الجنه علشان حسنه ناقصاك او سيئة زياده بسبب معصية عملتها ومتبتش منها..؟؟؟


تخيل انك ممكن تتحرم من انك تشوف النبى ...؟؟

تخيل الاسوء من كده بمرااااااااااحل انك ممكن تتحرم من رؤية وجه الله فى الجنه؟؟

وهو الجنه تبقى جنه من غير رؤية وجه الله عز وجل؟؟؟؟

علشان ايه كل ده ..؟؟!!!

علشان ايه يا جماعه؟؟!!



الناس لما عرفت ان فيه تعيين فى كلية الطب ل 50 الاوائل مثلا..بقى الواحد يقعد 6 سنين يفحت فى نفسه ويذاكر من 50 كتاب ومينمش ليالى ..كل ده علشان دنيا..

انما تقول الاخره..كله بيقول ربنا يهدينا..!



زى ما بنقول دايما..يا جماعه مش هيتساوى اللى ذكر ربنا 100 مره مع اللى ذكر ربنا 101 مره..

محدش فينا بيزعل على نفسه مره لما يسمع ان حد بيقيم الليل 4 ساعات مثلا ..؟

او حد بيختم القران كل اسبوع مثلا ..

او بيصوم يوم ويوم..

محدش بيقول ليه انا مكنش كدا..؟؟؟

محدش بيفتكر قول الله تعالى (وَفِي ذَلِكَ فَلْيَتَنَافَسِ الْمُتَنَافِسُونَ) ..؟؟


يا جماعه وانت قاعد عمال تضيع فى وقتك وتقول انا عايز حاجه تقتل الفراغ اللى انا فيه..!

فيه واحد قاعد بيقرا قران..

وواحد بيدعوا الى الله..

وواحد بيتفقه فى الدين..

وواحد بيذكر ربنا و بيصلى على النبي -صلى الله عليه وسلم..

حسانتهم عماله تزيد وانت قاعد فى مكانك..!



كلنا عارفين اننا هنندم يوم القيامه على كل لحظه ضيعناها ..

والله لو وقع فى قلوبنا الاحساس بالاخره وبأهمية الحسنه يوم القيامه ما كان حد فكر انه يتفرج على فيلم او يسمع اغنيه او يرغى فى الموبايل من غير لازمه او يدخل الشات او ..او ....!!



واخيرا..


قال تعالى :
(هُمْ دَرَجَاتٌ عِنْدَ اللَّهِ وَاللَّهُ بَصِيرٌ بِمَا يَعْمَلُونَ)


يا ترى درجتك عند ربنا ايه ؟؟؟؟
 

محمد م س شعيب

عضو جديد
إنضم
6 أكتوبر 2009
المشاركات
824
مجموع الإعجابات
32
النقاط
0
فعلاً ...مفيش حل مع أخي وصديقي السيف المجاهد ..

جزاك الله خيراً علي هذه المواعظ ..لكننا لا ننسي العمل ..

فإن ذلك قد الله تعاي صراحةً بأنه سيراه ورسوله والمؤمنون

لك ودائماً كل تقديري وإعجابي ..سيف مجاهد ..
 
إنضم
17 يناير 2008
المشاركات
3,554
مجموع الإعجابات
410
النقاط
0
محدش فينا بيزعل على نفسه مره لما يسمع ان حد بيقيم الليل 4 ساعات مثلا ..؟

او حد بيختم القران كل اسبوع مثلا ..

او بيصوم يوم ويوم..

محدش بيقول ليه انا مكنش كدا..؟؟؟



لا بنقول ونسال نفسنا كتيررررررررررر وبنتغاظ منهم
 

بنت الخلافه

عضو جديد
إنضم
18 أغسطس 2009
المشاركات
1,438
مجموع الإعجابات
347
النقاط
0
كلامك يهز النفوس النائمه .... ويؤلم من له قلب ...... الناس تسعى لتتخلص من النار وحسب .....قليلون هم من يفكرون بدرجات الجنه .... لكن يا اخي والله اننا سنندم ندما كبيرا عندما نرى من هم اعلى منا درجات وممكن يكونو كانو معنا وعايشين بنفس طبيعة حياتنا .... لكن اشتغلو واستلمو حق التعب

اللهم اني اسالك قصرا في فردوسك يطل على عرشك
 
أعلى