إستفسار اكريليك ثيكنر vs تايلوز

sasa4m

عضو جديد
إنضم
14 مايو 2014
المشاركات
50
مجموع الإعجابات
2
النقاط
0
السلام عليكم ورحمة الله وبركاته

عندي استفسار بخصوص مثخن الاكريليك
ايه الفرق بينه وبين التايلوز وايهما افضل
وكم سعره التقريبي واماكن شراؤه في مصر

تقبلوا تحياتي اخواني الكرام
 

عبدالقادر2

عضو جديد
إنضم
30 مارس 2010
المشاركات
834
مجموع الإعجابات
157
النقاط
0
التيلوز بيبقى هيدروكسي ميثيل سليلوز او اى مشتقات السليلوز وده بيعطى لزوجة كاذبة اسمها بسودو فيسكوسيتى لكن له تاثير يضعف قوة اللصق اما الاكريلك فانه يعطى نفس اللزوجه ولكنه يؤثر على اللصق بالايجاب. السعر التيلوز تقريبا 50جنيه الكيلو . طبعا حسب نوعه. وايضا الاكريلك ثكنر انواع كتير افضلهم ما يسمونه عجينه فى السوق المصرى وسعره تقريبا 30جنيه وهو يستخدم بمفرده لا يحتاج الى قلوى مثل الامونيا زى انواع اخرى من متخنات الاكريلك. موجوده عند نيرول بالظاهر ش الجيش
 

sasa4m

عضو جديد
إنضم
14 مايو 2014
المشاركات
50
مجموع الإعجابات
2
النقاط
0
تحياتي لحضرتك استاذي الغالي
استفسار
هل الاكريليك ثيكنر وبيتحل بسهولة ولا صعب زي التايلوز
وطالما الاكريليك افضل كده وارخص
ليه التايلوز اشهر واكثر استخداما
ونهوه فيهم بيشتغل اسرع وكمية كل واحد منهم اد ايه
وفيه منه بودر علشان استخدمه في الخلطات الاسمنتية ولا لا ؟؟؟
 

sasa4m

عضو جديد
إنضم
14 مايو 2014
المشاركات
50
مجموع الإعجابات
2
النقاط
0
اين انت استاذي الغالي
 

عبدالقادر2

عضو جديد
إنضم
30 مارس 2010
المشاركات
834
مجموع الإعجابات
157
النقاط
0
شوف
الخلطات الاسمنتيه انت محتاج بودر لاصق يشتغل زى استارتر بيبقى بي في ايه بودرة مهمته يلصق لغاية ما الاسمنت يشتغل وبعد كده خلاص الاسمنت هايقوم بالواجب.اما موضوع التيلوز والاكريلك هو بس ناقصك حاجة . الاكريلك اسهل من التلوز وافضل وممكن نعدل بيه اللزوجه فى اى مرحله فى الغراء والبويات يعنى فى الاول فى الاخر ده مينفعش مع التيلوز . لكن النسبة بتبقى اكتر من التيلوز . فهو صحيح يمكن نص سعر التيلوز لكن فى اجمالى الاضافه هو يساويه او اغلى منه.ده سبب. السبب الاهم والازلى ان الشعب المصرى كله الا من رحم ربي. لا يحب التغيير اطلاقا. يعنى لو كان عرف الاكريلك الاول مكانش غير للتيلوز . دى حقيقه تاريخيه. ده بخلاف انه بيتقوقع داخل معلوماته ولا يخرج منها. يعنى هتلاقى غراء حمص فى مصر بس وهتلاقى منظفات بالسلفونيك فى مصر بس وهتلاقى مسحوق منظف بالفوسفات فى مصر بس وهتلاقى بويات الكيديه بالجاز والرصاص فى مصر بس . وهتلاقى بويات مائيه بالليثوبون فى مصر بس وفورمالين فى مصر بس . طبعا احنا اصحاب حضارة عريقة وام الدنيا ودايما الام توفر فتلبس هدوم عيالها القديمه.
المهم . ياريت تهتموا بقراءة الجديد فى الخامات احنا متاخرين عن العالم كله كتير ومفيش وقت للافتكاسات منى او من غيري. الحضارة مش اهرامات الحضارة هو اننا نعتاد وبسرعة كل ما هو غير معلوم لدينا بمجرد علمه. منخافش يعنى ونتكل على الله . وانتم جيل رزل يعنى ميتخافش عليكم هههههههههه
 

sasa4m

عضو جديد
إنضم
14 مايو 2014
المشاركات
50
مجموع الإعجابات
2
النقاط
0
شكرا لحضرتك استاذي
انا بالفعل بستخدم بي في اي بودر تركي شغال معايا زي الفل
انما انا بتكلم عن الثيكنر للخلطات الاسمنتية
وبيشتغل معايا التايلوز كويس اللي هو mhs 30007
وبالنسبة لي انا فالحمد لله بحاول اجدد باستمرار
وباذن الله هجرب الاكريليك ثيكنر وارد عليك
تقبل تحياتي استاذي الغالي
 

عبدالقادر2

عضو جديد
إنضم
30 مارس 2010
المشاركات
834
مجموع الإعجابات
157
النقاط
0
مش فاكر مين طلب عينه بي فى ايه بودرة وسابها لو محتاجها ممكن ابعتها لك . كنت جايبها من المستورد له وتقريبا نسي. اه يارب تكون تقبلت هزارى ومزعلتش
 

sasa4m

عضو جديد
إنضم
14 مايو 2014
المشاركات
50
مجموع الإعجابات
2
النقاط
0
هههههههههههههههههههه
هو احنا نطول ان حضرتك تهزر معانا يا بشمهندس
وكمان انا رايي نفس راي حضرتك
..............
بخصوص ال pva بودر
انا شغال بيه من زمان يا استاذي
بجيب نوع تركي اسمه orb
شغال معايا زي الفل
 
التعديل الأخير:

ديميثانيزر

عضو جديد
إنضم
4 أبريل 2007
المشاركات
22
مجموع الإعجابات
1
النقاط
0
هل مثخن الأكريليك بديل للتايلوز في صناعة الصابون أيضا
و لكم الشكر
 

abdelaziz shereif

عضو جديد
إنضم
7 نوفمبر 2015
المشاركات
53
مجموع الإعجابات
0
النقاط
0
بالنسبة لدهانات البلاستيك كان فيه اخ بيقولي ان التايلوز البودر بيعمل خشونه ف البلاستيك اللامع ويفضل استخدام السائل
 

abdelaziz shereif

عضو جديد
إنضم
7 نوفمبر 2015
المشاركات
53
مجموع الإعجابات
0
النقاط
0
تاني حاجه هل الريوليت 10/10 يعتبر ثكنر ولا لأ ؟ ايه دوره بالتحديد
 

Lithium ion

عضو جديد
إنضم
24 نوفمبر 2010
المشاركات
75
مجموع الإعجابات
10
النقاط
0
شكرا للجميع علي اضافتهم
لكن استخدام اي متخن بيعتمد علي نوع التطبيق اللي هتستخدمه فيه والغرض من استخدام المتخن
في الدهانات في الغالب بيتم الجمع بين السليلوزي والاكريليك لكي تحقق نوع من اللزوجه المناسبه للتحضير اولا ثم للتخزين والتطبيق
المتخن الاكريليك بيسمي associative يعني لايستطيع ان يقوم تركيبه بها نسبه فليير عاليه ولابد من استخدام متخن سليلوزي اولا وكلاهما يذوب تمام في الماء بسهوله ولايؤثر علي نعومه السطح طالما يتم الاستخدام والاضافه بالشكل الامثل
 
أعلى