اعلان دعم الدراسات العليا

[ايمن مصر]

الاخوه والاخوات اقترح تجميع لكل الجهات والمؤسسات والشركات التي تقوم بدعم رسائل الماجستير والدكتوراه

وطرق التقدم لها وشروطها لانني اجد ان اهم الاسباب في احجام الطلبه هنا في مصر هو عدم توفر التمويل بالاضافه لارتفاع مصروفات الدراسات العليا حتي بالجامعات الحكوميه

ايه المشكله لو كل شركه عربيه تدعم باحث او اتنين في مجال عملها ولو من باب الدعايه والتسويق لها مش هنقول تشجيع العلم

انا لقيت ده كتير في شركات عالميه وراسلتها لكن للاسف كان ردهم انهم يدعموا ابناء بلادهم فقط

انا مستعد اكتب شكر بالخط الكبير في اول صفحه من رساله الماجستير الخاصه بي لاي شركه مصريه او عربيه تساعدني لاني فعلا مش هقدر اكمل وعنوان دراسه الماجستير بهندسه بورسعيد هو

Static And Dynamic Analysis Of Natural Gas Pipelines

عاوز راي زمايلي في الفكره

 

[haythem]

akyed fakrah rae3ah

 

[عبد الجبار]

الموضوع ممتاز ولكن لابد من تعب
فأنا أقترح ان اى حد ممكن يصل إلى شركة معينة
يقدم لها طلب بهذا
وننتظر الرد من الشركة
ولكن هذا الطلب لم يكن موثق
فما الحل إذا

 

[ايمن مصر]

ما رايكم اخواني؟؟؟؟؟؟؟؟؟
هل عندكم افكار؟

اين ردودكم؟؟؟؟؟؟؟؟؟؟؟؟؟

 

[ايمن مصر]

احنا اكيد نتحمل جزء كبير من المشكله؟؟؟؟؟؟؟؟؟؟

ليه نطلع مهندسين؟؟؟

بلادنا بتدعم لاعبي الكره بس؟؟؟؟؟

انا كنت بلعب كوره زمان لكن للاسف فشلت وضللت الطريق الي الهندسه

انا فعلا زعلان اوي انتم رايكم ايه؟؟؟؟؟؟؟

 

[إسلام]

بسم الله و الصلاة و السلام على رسول الله...
الأخ الكريم أيمن... كلامك جميل و طيب...
و حبذا يكون هناك في بلادنا من يستجيب...
لكن في بلادنا... أهل الفن والكرة بالطبع أعلى شأناً من العلماء و طالبي العلم...
و هذا لأنهم-في نظرهم- يساعدون على التقدمية و الحضارة و يظهرون صورة العربي المتحضر...
لكن العلماء -عذراً- ممكن لا قدر الله يوصلوا لتصنيع القنابل الذرية و الصواريخ بعيدة المدى و غيرها... يعني هايدوشوا دماغهم ليه مع أمريكا لما يقولوا ان عندكم عالم -وحش- بيحاول يتعلم...

و هاقولك مثال... مالهاش دعوة بالصواريخ ولا الأسلحة
انت عارف ان احنا بنحتاج أحياناً لسبايك معينة لصنع قطع غيار تحتاج سبيكة لها مواصفات معينة بنشوف منحنيات ال(Stress-Strain) و نقطة الانصهار و كل خواصها من الجداول -كله متاح-...
طيب جرب كدا تستورد السبيكة دي...
تفاجئ ان الشركة تقولك انت مين (يعني الشركة بتعمل ايه و في ايه)؟ و لما يطمنوا من ان الشركة مالهاش دعوة، و هاتعملوا دي لمين؟ ايه الغرض استخدامك السبيكة... تقولوا عشان القطع الفلانية من المعدة الفلانية... و تعتقد ان الموضوع خلص...
يبعتلك يقولك ابعتلي رسمة للقطعة المطلوبة و عليها الأبعاد...
و تبعتله... يقوم باعتلك قطعة من السبيكة بالضبط بحجم الرسمة اللي انت باعتهاله... و اعرف بقا السعر الخيالي اللي انت بتدفعوا في الحتة الصغيرة دي...

الكلام دا و الله ما هو مبالغة.... دا بيحصل دائماً اذا كانت السبيكة غير متداولة كثيراً...


ازاي نغير دا.... ؟؟؟؟؟؟؟؟؟؟!!!!!!!!
(إن الله لا يغير ما بقومٍ حتى يغيروا ما بأنفسهم)...
طيب... جزاكم الله خيراً على سعة صدوركم...
والسلام عليكم...

 

[إسلام]

ليس القصد من الرد السابق إحباطكم..
لا، بل أطالبكم بشحذ الهمم و تحفيز إخواننا المهندسين في شتى المجالات...
ليس المهندسون و حسب... بل كل الصانعيين و كل من له مهنة تنفع الأمة...

غيروا... غيروا ما بأنفسكم...