استفسار للمهندسين(محتاج رأيكم)

[eng.mido22]

السلام عليكم
لو سمحتم يا بشمهندسين انا في اولي مدني واخدت كورس استركشر 1و2 بس انا مش كويس فيها بس طبعا عارف الاساسيات زي انواع الاحمال وشكل التحميل وقوانين العزوم فهل فعلا لازم اقوي نفسي فيها ام ان البرامج الآن زي الساب حلت هذه المشكلة اذا اجدت الشغل عليه وهل كل الشغل دلوقتي برامج ام منوال
افيدوني ارجوكم
شكرا

 

[سنا الإسلام]

السلام عليكم ورحمة الله وبركاته
اكيد طبعا لازم تقوى نفسك فى ال structure حتى لو ما كنتش حتشتغل manual يعنى المادة دى اساس المهندس المدنى ما هو كل شغلنا حسابات وبعدين هو الموضوع موش كتر كورسات لازم تحب المادة وتبذل مجهود فيها علشان تكون بارع فيها يعنى الكورس مجرد علم تاخذه جاهز وبعدين تنساه لازم تبذل مجهود فى المادة يعنى ما انا كنت مهندسة وعندنا محدش كان بيشرح فى الحصص العملية مجرد تطبيق وحل للتمارين ونسال معيد المادة فقط اذا تعذرت اى خطوة فى اى مسالة كان ممنوع الشرح عندنا فى الحصص العملية الا اذا طلب استاذ المادة شرح اى درس بالاضافة ان المحاضرات لم تكن كافية ولم ااخذ اى كورس فى اى مادة طوال فترة الدراسة الخمس سنين يعنى لازم تبذل مجهود
والموضوع زى ما قلت لحضرتك موش حكاية ساب وبرامج جاهزة ما هو انت لما تفهم المادة دى كويس حيكون عندك خبرة هندسية يعنى تحس بالارقام التى تنتج من اى برنامج موش مجرد ارقام وبس ماهى ممكن تكون غير واقعية وبالتالى يكون شغلك غلط فى الحالة دى اكيد حتلجا لبعض البدائيات البسيطة لحساب الاحمال وردود الافعال بطريقة سريعة لتتاكد من صحة الحل يعنى موش معقول مثلا انك حتعيد ادخال النموذج من الاول الا لما تتاكد ان فى خطا
وبعدين حضرتك اتخيل مثلا انك مهندس مراجع هل معناه انك حتقعد تراجع كل مرة على ملفات الساب لكل المهندسين اكيد من خبرتك وبشكل يدوى سريع تقدر تتاكد بشكل تقريبى من صحة الحلول
الخلاصة مادة ال structure مادة مهمة جدااااااا وهى اساس الهندسة المدنية ولكن قوى نفسك فيها من غير كورسات لازم تبذل مجهود علشان تستفيد بجد وما تنساش الى اتعلمته

 

[anass81]

السلام عليكم ورحمة الله وبركاته
اكيد طبعا لازم تقوى نفسك فى ال structure حتى لو ما كنتش حتشتغل manual يعنى المادة دى اساس المهندس المدنى ما هو كل شغلنا حسابات وبعدين هو الموضوع موش كتر كورسات لازم تحب المادة وتبذل مجهود فيها علشان تكون بارع فيها يعنى الكورس مجرد علم تاخذه جاهز وبعدين تنساه لازم تبذل مجهود فى المادة يعنى ما انا كنت مهندسة وعندنا محدش كان بيشرح فى الحصص العملية مجرد تطبيق وحل للتمارين ونسال معيد المادة فقط اذا تعذرت اى خطوة فى اى مسالة كان ممنوع الشرح عندنا فى الحصص العملية الا اذا طلب استاذ المادة شرح اى درس بالاضافة ان المحاضرات لم تكن كافية ولم ااخذ اى كورس فى اى مادة طوال فترة الدراسة الخمس سنين يعنى لازم تبذل مجهود
والموضوع زى ما قلت لحضرتك موش حكاية ساب وبرامج جاهزة ما هو انت لما تفهم المادة دى كويس حيكون عندك خبرة هندسية يعنى تحس بالارقام التى تنتج من اى برنامج موش مجرد ارقام وبس ماهى ممكن تكون غير واقعية وبالتالى يكون شغلك غلط فى الحالة دى اكيد حتلجا لبعض البدائيات البسيطة لحساب الاحمال وردود الافعال بطريقة سريعة لتتاكد من صحة الحل يعنى موش معقول مثلا انك حتعيد ادخال النموذج من الاول الا لما تتاكد ان فى خطا
وبعدين حضرتك اتخيل مثلا انك مهندس مراجع هل معناه انك حتقعد تراجع كل مرة على ملفات الساب لكل المهندسين اكيد من خبرتك وبشكل يدوى سريع تقدر تتاكد بشكل تقريبى من صحة الحلول
الخلاصة مادة ال structure مادة مهمة جدااااااا وهى اساس الهندسة المدنية ولكن قوى نفسك فيها من غير كورسات لازم تبذل مجهود علشان تستفيد بجد وما تنساش الى اتعلمته

السلام عليكم

كفيت ووفيت مهندسة أميرة , بارك الله فيكِ

 

[eng.mido22]

الف الف شكر يا بشمهندسة اميرة

 

[ehab_lovegypt]

اهم كورس STRUCTURE هو بتاع اولى مدنى + MOMENT Distribution فى 3 لازم تكون بتعرف ترسم moment & shear كويس جدا عشان تعرف تحل الخرسانه ومش هتفهم ساب كويس الا اذا فهمت stru كويس لانه مبنى بطريقه stiffiness method ودى موجوده فى advanced structure فى سنه 4 انت ان شالله هتاخد طرق كتير وهتدرس حجات كتير صعبه بس كل ده أكاديمى المهم INTERNAL FORCES للمنشاأت SFD , BMD & NFD.

 

[شهاب الحق]

السلام عليكم ورحمة الله وبركاته
بصراحة كان عندى شوية كلام لكن المهندسة اميرة كما قال مشرفنا العزيز انس كفت ووفت ولكن لا يمنع ذلك ان نزاحم ببعض الاضافات التوضيحية .. فالتصميم الانشائى اهم حاجة فيه حاليا فى غلبة برامج الحاسوب هو الاحساس بالارقام لان برامج الحاسوب تعتمد على المدخلات فان ادخلنا احمال خاطئة فى اماكن خاطئة ستكون الحسابات صحيحة لكن النتائج خاطئة فالحس الهندسى هنا مهم جدا جدا جدا وكمان فيها حاجة مهمة ابذل فيها كل جهدك يا باشمهندس وهو وضع النظام الانشائى او البحث عن بدائل اخرى فقد تصادفك مشكلة معمارية تجبرك على تغيير نظام البلاطات باكملة او العكس حيث من الممكن ان يعيق النظام الانشائى وظيفة المبنى اذا لم نحسن الاختيار ... الخلاصة من ساب قديمه تاه ومن ساب حديثه تاه برضه فاحرص على كلاهما .

والله المستعان