استفسار بخصوص السفر لقطر

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
السلام عليكم ورحمة الله وبركاته
انا معروض عليه فرصة سفر لقطر وانا متخرج 2011 وخلصت الجيش في 1 مارس 2013 يعني من حوالي شهر ومعنديش خبرة في التنفيذ الا من خلال القراءة في المنتدي هنا وبعض الملفات اللي بحملها من النت وصاحب الشركة عارف كده لاني قابلته هنا في مصر لانه مصري وكان في اجازة وكانوا عارضين عليه أول ما خلصت الجيش في البداية 3000 ريال ولكن التاشيرة بمهنة غير مهندس بس موافقتش وبعدها بشهر رجعوا عرضوا عليه 3500 ريال وزيادة بعد الخبرة والكفاءة في الشغل غير محددة بفترة يعني ممكن بعد شهر او اتنين او ستة اشهر الموضوع معتمد علي الكفاءة في الشغل ولكن برده التاشيرة بمهنة غير مهندس لعدم امكانية توفير تاشيرة مهندس حاليا وبيقولوا ان تغييرها سهل

انا بحثت عن الشركة في النت عن طريق الايميل اللي أعطاه لي صاحب الشركة ولقيت اسمها
Al Jaber G.B.R. for Contracting

استفساري الان هل الراتب كويس بالنسبة لمهندس حديث يعتبر بدون خبرة نهائي وهل مناسب لاسعار المعيشة في قطر؟
وهل اقبل السفر علي تاشيرة بمهنة غير مهندس ام لا؟
وهل تغيير المهنة بعد السفر بيكون سهل ولا لاء؟
وهل هحتاج اغير بطاقتي وجواز السفر قبل ما اسافر لانهم مكتوب فيهم المهنة مهندس مدني حر والتاشيرة هتيجي بمهنة مختلفة هل لابد ان اغير المهنة في البطاقة وجواز السفر لنفس المهنة الموجودة في التاشيرة؟

ولو حد في قطر ويعرف حاجة عن الشركة وسمعتها وصرف الرواتب واعمالها يا ريت يفيدني


اسف علي كترة الاستفسارات
 

مواضيع مماثلة

Eng_M1986

عضو
إنضم
6 يونيو 2006
المشاركات
106
مجموع الإعجابات
13
النقاط
18
عندى كام سؤال هيفرقوا معاك جدا وعليهم ربنا يسهل واقدر اساعدك
بالنسبه للسكن وضعه ايه ؟
مكان الشغل ؟ ونوعيته ؟
المواصلات؟
حضرتك متجوز ولا لا ؟
 

Eng_M1986

عضو
إنضم
6 يونيو 2006
المشاركات
106
مجموع الإعجابات
13
النقاط
18
ولو ممكن موقع الشركه ع الانترنت
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
اولا شكرا علي اهتمامك والرد عليه

دي بقي المميزات اللي كانوا بعتوها ليه في الاول لما كان الراتب 3000 ريال وانا كنت اعترض علي الراتب والتاشيرة بعدها بشهر رجعوا ردوا علية بان الراتب هيكون 3500 ريال وزيادة حسب الكفاءة والانجاز بس لسه التاشيرة بمهنة غير مهندس

أولا: الراتب الشهري بيكون 3000 ريال (فقط ثلاثة آلاف ريال قطري لاغير يعني تقديريا بالجنيه بيكون 5600 تقريبا
ثانيا: تذكرة سفر ذهاب واياب كل سنة
ثالثا: راتب شهر مكافأة عن السنة
رابعا: تامين مواصلات وانتقالات خلال اوقات العمل
خامسا: تامين سكن
سادسا: بخصوص زيادة الراتب بيكون بعد فترة لا تقل عن ستة شهور من تاريخ بداية العمل وحسب انجازك في العمل وكفاءتك في العمل
سابعا: بخصوص التاشيرة بتكون مهنة غير مهندس لعدم توافر تاشيرة بمهنة مهندس حاليا وان شاء الله لما توصل ونعمل الاقامة بنبدأ في اجراءات تغير المهنة الى مهنة مهندس وطبعا لازم تجيب معاك شهادة التخرج وتكون مصدقة من وزارة الخارجية مكتب التصديقات
 
التعديل الأخير:

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
وهما ملهمش موقع علي الانترنت للاسف ده ايميل بس باراسلهم عليهم ومحاسب الشركة هو اللي بيكلمني عليه

وكان صاحب الشركة قالي ان شغلهم فلل وعمارات

وانا مش متجوز
 
التعديل الأخير:

Eng_M1986

عضو
إنضم
6 يونيو 2006
المشاركات
106
مجموع الإعجابات
13
النقاط
18
خلينا ناخد بند بند
بالنسبه للسكن فى الغالب طالما السكن مؤمن فالغالب هيكون شقه غرفتين ومطبخ وحمام فى كل غرفه شخصين وطبعا الحمام والمطبخ مشتركين
انا هبنى افتراضى على انك مش متجوز
المواصلات فى الغالب سياره خاصه لو انت شغلك موقع
(لو مبعترفش تسوق تعليم السواقه هنا بيتكلف تقريبا 2500 ريال ولو بتعرف ومعاك رخصه مصريه ليك تمتحن 3 مرات وانت ونصيبك)
بالنسبه لاستخراج الاقامه بتتكلف 1000 ريال سنويا والتامين الصحى ( الحكومى ) بيتكلف 100 ريال سنويا
موضوع المهنه تتحول ممكن بس مش بالسهوله اللى انت متخيلها
( واحد زميلى معرفش يتعلم سواقه العربيات الاوتوماتيك علشان الوظيفه مش مهندس وكان لازم يتعلم سواقه العربيه العاديه ده غير انك لو متجوز ممكن متعرفش تجيب مراتك بسبب الوظيفه )
الشهر المكافاه ده غير مرتب الاجازه ولا لا ؟
بالنسبه لمصاريفك الشخصيه ترجع ليك انت بس ممكن تتكلف حدود الف ريال
انت لوحدك اللى لازم تحدد
لو عندك اى استفسار انا موجود وربنا يسهل واقدر اجاوب عليه
 

م/ نجم

عضو جديد
إنضم
3 أبريل 2007
المشاركات
38
مجموع الإعجابات
2
النقاط
0
شوف يابشمهندس ...... أنا رأيي .... لآ
شركة زي دي شكلها صغير ........ لو عنده أعمال فعلا كان عرف يطلع تأشيرة لمهندس
لو أخدت بالك من العرض ....... هو كاتب ( تأمين مواصلات أثناء فترة العمل ) يعني ممكن يخليك تروح وتيجي مع باص العمال
موضوع شهر أجازة وراتب شهر والتذاكر ....... ده شئ مفروغ منه لأن قانون العمل بينص علي ذلك ( الأدق بينص علي 21 يوم أجازة مدفوعة الأجر )
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
شكرا للمهندسين Eng_M1986 وم/نجم

طيب انا لو فرضا وافقت هل هحتاج اغير المهنة في البطاقة وجواز السفر قبل ما اسافر ولا ايه؟
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
ارجو الاجابة علي هذا السؤال

انا لو فرضا وافقت هل هحتاج اغير المهنة في البطاقة وجواز السفر قبل ما اسافر ولا ايه؟
 

Eng_M1986

عضو
إنضم
6 يونيو 2006
المشاركات
106
مجموع الإعجابات
13
النقاط
18
بصراحه معنديش معلومه عن موضوع تغيير المهنه فى البطاقه او جواز السفر
بس على ما اعتقد ده يرجع لطبيعه الوظيفه فى التاشيره
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
شكرا يا بشمهندس Eng_M1986 علي مساعدتك
علي العموم انا رديت عليهم ان لازم التاشيرة تكون بمهنة مهندس و راتب 4000 ريال غير كده فانا برفض العرض
 

hassona_exe

عضو جديد
إنضم
3 يناير 2007
المشاركات
16
مجموع الإعجابات
0
النقاط
0
مش لازم تغير المهنة فى الجواز هتسافر عادى من غير اى مشكلة , ولكن لا يجوز تغير المهنه الا بعد مرور 6 اشهر من حصولك على الاقامة مع كشف حساب فى البنك لمدة 6 شهور
 

otat

عضو جديد
إنضم
7 مايو 2011
المشاركات
49
مجموع الإعجابات
1
النقاط
0
توكل على الله وتعالى قطر ياباشمههندس ,,كتير اوى جاين هنا والفيزا مش مهندس بيكون مكتوب مراقب انا جوزى كدا ,,,وبعدين مادام فيه سكن ومواصلات يبقى حلو احسن من مصر والقاعده الجميلة الفيها ,,,استخير ربنا وتوكل على الله ومتخفش ,,استرجل كداوسيبها على ربنا وخصوصا انك مش معاك خبرة
 

zoma82

عضو جديد
إنضم
24 يوليو 2006
المشاركات
496
مجموع الإعجابات
31
النقاط
0
الراتب ضعيف جدا على مهندس حتى ولو حديث التخرج المعيشة هناك غالية هتصرف حوالى 1000 الى 1200 ريال وبعدين اوعى تحول الراتب لانك عايش هناك وهتصرف بالريال مش بالجنيه الراتب حتى لم يحصل مرتب مشرف وشوف مواعيد الشغل كام ساعة وبعدين لو مهنة غير مهندس ذل بقى وتعامل غير لائق
 

I.R.S

عضو جديد
إنضم
23 يوليو 2011
المشاركات
45
مجموع الإعجابات
0
النقاط
0
شكرا لجميع المهندسين علي ارائهم وتعاونهم معايا
انا ارسلت للشركة رد علي الايميل بان الراتب يكون 4000 ريال و تاشيرة مهندس ومستني ردهم وربنا يسهل
 

ADEL BAGHDADY

عضو جديد
إنضم
7 أبريل 2009
المشاركات
34
مجموع الإعجابات
6
النقاط
0
اخي الحبيب هذا الراتب ضعيف جدا - وموضوع تغير مهنتك لاتفعلها لانها ليس لها قيمه في قطر جوازك نفس ماهو عليه مهندس مدني وهناك تطلهع الاقامه ماهو مكتوب في التاشيرة وموضوع تغيير المهنه يحتاج اوراق مثل شهادة الموهل موثقه من الخارجيه والسفارة وكذلك راتب 6 شهر من البنك لايقل عن 10000 والا لاتستطيع استقدام زوجتك فقط تعمل لها زيارة - ارجو التفكير مليا في الوضوع وو غير مجدي صراحه
 

mr7h1

عضو
إنضم
2 ديسمبر 2009
المشاركات
87
مجموع الإعجابات
5
النقاط
8
ايون هتغير مهنة الجواز

وكمان الناس ديه شكلها واخده شغل لحسابها

مش من البلديات او من الوزارات

لانه لو واخد شغل منهم بيديلوا فيز مهندسين
 

mahmoud789

عضو جديد
إنضم
16 مارس 2011
المشاركات
226
مجموع الإعجابات
73
النقاط
0
اخى العزيز ربنا يوفقك للشغل اللى تتمناه ونصيحتى لك من واقع خبرتى فى الخليج ....العام الاول لك هو عام التعلم وتجميع الخبرات وتحصيل ما يسمى خبرة الخليج وفى الغالب يكون عام صعب كله مشاكل وديون وتنازلات لذلك نصيحتى هى لا تنازل اطلاقا عن تاشيرة مهندس مدنى فانا اعلم كيف تنظر العماله والمشرفين بل وزملائك المهندسين لك اذا كانت مهنتك فى الاقامة ليست مهندس ....وبالتوفيق ان شاء الله
 

EAHMED1981

عضو جديد
إنضم
25 فبراير 2013
المشاركات
29
مجموع الإعجابات
2
النقاط
0
نصيحة لكل الا عايز يسافر ماتسافرش الا على فيزة مهندس حتى لو هيديك مرتب مغرى ماتقللش من كرامتك
 
أعلى