اريد شرح مفصل لكيفية عمل الcash flow لمشروع ( عاجل )

madny

عضو جديد
إنضم
5 ديسمبر 2009
المشاركات
104
مجموع الإعجابات
13
النقاط
0
انا لسه طالب بدرس في بكالوريوس ولكن هشرحلك بناء علي دراستي
الcash flow عبارة عن دراسه لمعرفة التمويل المطلوب للمشروع ومقدار السيولة اللي هيحتاجها المقاول كل شهر والفلوس اللي هياخدها من المالك علي حسب ميعاد المستخلص
الفلوس اللي بيصرفها المقاول علي المشروع اسمها cash out والفلوس اللي بتدخل جيبه اسمها cash in
بحسب الcash out الاول لكل شهر ( بيكون عبارة عن المصاريف اللي هتتصرف كل شهر علي الانشطه المخطط عملها في الشهر دا + Indirect cost )
بعد كدا بحسب ال Cash in ( بحسبه بداية من الشهر التاني وبناء علي نوع العقد وهو بيساوي التكلفة اللي انت صرفتها في الشهر السابق للمستخلص اللي هيتم صرفه مضروبا في (1+%mark up) ثم ضربه في (1-% Retention القيمة المستقطعه من المستخلص )

دا ملخص سريع للعملية
 

محمد أحمد شوقي

عضو جديد
إنضم
13 أغسطس 2006
المشاركات
51
مجموع الإعجابات
1
النقاط
0
جزاك الله خيرا على هذا الملخص .. و لكني اريد تفصيلا اكثر او مرجع حتى اكون على دراية كاملة بعمل cash flow لمشروع موجود
 

eng planner

عضو جديد
إنضم
7 يناير 2011
المشاركات
38
مجموع الإعجابات
4
النقاط
0
السلام عليكم
أولا كلام البشمهندس madany صح 100%

لو حضرتك طالب هتشتغل بنفس طريقته لكن لو في سوق العمل الموضوع بيختلف شويه

لو حضرتك في سوق العمل
نبدأ بالـ cash out

ده الفلوس اللي بيصرفها المقاول ... ازاي بتحسبه ؟؟؟
عندك في الشركه فواتير لكل حاجه اشتريتوها للمشروع واذون استلام نقديه للعمال والمهندسين واي حد شغال في المشروع وكل مليم اتصرف في المشروع هتلقاه مسجل في دفاتر
تجمع اللي اتصرف في فترة صرف المستخلص بالاضافه لمصروفات ادارة الشركه ودي بتحددها الشركه على حسب مستواها والفئة بتاعتها تجمع كل ده هيطلع الكاش اوت
وفترة صرف المستخلص دي الفتره اللي بين كل مستخلصين يعني لو المستخلصات بتتصرف كل شهر يبقى تجمع مصروفات المشروع في شهر وهكذا


Cash in

دي الفلوس اللي بتدخل للمقاول عن طريق المستخلصات
ازاي تحسبها ؟؟؟؟
مهندس الموقع بيعمل حصر فعلي للأعمال اللي اتنفذت في الموقع تحت اشراف المالك او استشاري المالك طبعا
ويبعتها لحضرتك الشركه
والمفروض ان حضرتك عندك سعر كل بند في المقايسه
مثلا لو اتنفذ كمية x من الخرسانه المسلحه وسعر المتر المكعب منها y يبقى حضرتك تضرب x*y يطلعلك قيمة الخرسانه في المستخلص
وهكذا مع باقي الاعمال وتجمعهم كلهم وتطلع الاجمالي
وتبدأ تخصم من الاجمالي نسبة المستقطع (هتلقاها موجوده في العقد وغالبا بتكون 5%)

لو كان في دفعه مقدمه تخصم نسبتها والناتج يبقى هو قيمة المستخلص اللي هو
cash in
(الدفعه المقدمه هو مبلغ معين بياخده المقاول في بداية المشروع وبيكون نسبه من التكلفه الكليه للمشروع وبتتخصم من المستخلصات)

cash in > cash out
 

محمد أحمد شوقي

عضو جديد
إنضم
13 أغسطس 2006
المشاركات
51
مجموع الإعجابات
1
النقاط
0
جزاك الله خيرا على ردودكم المفيدة ..
طب و ماذا عن مقاولين الباطن .. هل بيدخلوا معايا في ال cash out .. يعني من الاخر كل المصاريف مصاريف المواد اللي طلبتها و المعدات و رواتب الناس و مقاولين الباطن و مصاريف الخدمات بتدخل معايا في ال cash out ..

بصراحة الموضوع هيبقى اسهل بكثير لو في مثال مفصل بالارقام
 
أعلى