إعرف عروستك من الأوٍلٍ أحسن ما تيجي بعد كده تتدهوٍلٍ

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
إعرف عروستك من الأوٍلٍ أحسن ما تيجي بعد كده تتدهوٍلٍ

1ـ لو كانت من النوع ، المتزن العاقل ، لبسها محتشم ، شكلها جميل ، تهتم بك ، تحرص على الإستماع إليك (نصيحة الإعرابية لإبنتها) ، أنصحك بعدم التردد في الإرتباط بها ليس بحبل واحد من المودة والحب ولكن قم بوضع جميع الحبال التي لديك حولها لإنها من النوع النادر في هذا الزمان زمن اللي كان مش هيرجع زي ما كان.

2ـ أما لوكانت من نوع الروشنة ، العقل خفيف ، ورد الفعل سخيف ، والتصرفات يا لطيف ، وبتنفق فلوسك - بطريقة لازم نعمل دايماً لجيوب الراجل عملية تنشيف - ، إحذرها و لاتحاول حتى الإقتراب منها (يعني خطر ممنوع الإقتراب) ، لإنها أولاً ستجعلك في بيتك ضيف (طبعاً لهروبك من البيت أغلب الوقت) ، وجيبك دائماً نظيف ، وبيتك مش هتلاقي فيه تآكل حتى الرغيف ، وهتخللي إسمك شريفة بدل ما يكون إسمك شريف.

3ـ أما لوكانت من نوع التنشنة ، عصبية ، بتتخانق على الرايحة والجاية ، نكدية ، تقلب لك الدنيا إن طلبت منها لو حتى كباية مية ، شرانية (من الشر) ، غلانية (من الغل) ، في هذه الحالة زق عجلك على بره البيت وخليك أحسن زي ما رحت زي ما جيت ، قبل ما تلاقي دماغك مفتوحة في الحيط ، وأهلك بيعيطوا عليك بصراخ وصويت ، وينقلوا جثتك للمشرحة في الوقت الذي لاتنفع فيه حتى كلمة يا ريت.

4ـ أما لوكانت من النوع اللي بتمشي ورا أمها ، وعلى كل حكاية في بيتك تقول لها ، وفضحاك في كل حتة وإنت مش بتهمها ، حتى جيرانك عارفين عنك كل شيء منها ، ولسانها دائماً خارج فمها ، تشوفها تقول دي تصرفات عيلة مش واحدة في سنها ، نصيحتى لك إنفد بجلدك منها ده إذا لقيت عندك جلد ، لإن أي حياة أفضل منها حتى لو قعدت لوحدك في الغابة على الشجر زي القرد ، وقلبي عندك يا وٍلٍد ، وما تتأخرش في القرار ده يا بٍلد.

5ـ أما إذا كانت من النوع الغيور عليك ، تدخل البيت تلاقي نظراتها حادة كأنك متهم ومقبوض عليك ، تشم في ريحة هدومك وجسمك من رأسك حتى رجليك ، تستجوبك كنت فين ومع مين وحصل إيه وإزاي ودايما تشك فيك ، ونتيجة الشك ده ممكن بالإبره تصفيك ، وبالأكياس البلاستيك تعبيك ، وتوزعك على كل دول العالم لغاية دولة التشيك. دي بقى مشكلتها طول ما إنت معاها ما فيش حاجة هتعجبها ولا تريحها ، حتى لو جبت ليها كل سمنة العالم وتسيحها ، وعلشان كده أفضل حاجة تسيبها وتريحها.

ولسه هنكمل
 
التعديل الأخير:

مواضيع مماثلة

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
6ـ لو كانت من النوع اللي بيحب الذهب والمجوهرات وكل حاجة لها بريق ، وكل حاجة تشوفها يجري وراها الريق ، سواء شافتها مع صاحباتها أو شافتها على الطريق ، هتقلب حياتك كلها لزعيق ، وتولعها دايما وتوصلها للحريق ، أنصحك تبعد عنها لإن نهاية حياتك معاها بخروج الزفير ولاعودة للشهيق
 
التعديل الأخير:

جنة11

عضو جديد
إنضم
10 أغسطس 2006
المشاركات
16
مجموع الإعجابات
0
النقاط
0
السلام عليكم أخي آدم،
:) والله موضوع ظريف جدا، وادعي اتكون كل بنات المسلمين من النوع الأول... :)
 
إنضم
5 يوليو 2006
المشاركات
532
مجموع الإعجابات
0
النقاط
0
كده يا ادم ..... حتزعل منك كل بنات حواء .....
موضوع جميل ورائع لكن استعد للى حيحصل لك يا بطل ...
انت لسة جديد هنا ومتعرفش الزميلات هنا شرسات قد ايه - وحاكون اولهم - ....
اقرا الموضوعات القديمة وانت تعرف انك دخلت المستنقع بكامل ارادتك الحرة ... ولذا لزم عليك المواجهة ....
بنات حواء ..... هجوووووووووووووووووم :5: :5: :5:
 

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
بعد الحادثة الشهيرة اللي حصلت لآدم (طبعاً معروفة حادثة التفاحة وخروجه من الجنة ، وطبعاً معروف مين كان السبب) وآدم طبعاً إتعلم من هذا الموقف ، ولذلك أعتقد إن آدم مش جديد ولا حاجة يمكن يكون جديد في المنتدى ، لكن الخبرة بتاعته قديمة جداً ، علشان كده بيتهيألي إنه أصبح من السهل عليه الخروج من أي مستنقع بسهولة ، وعلشان هوه الراجل فيجب عليه المواجهة طالما إنه نوى الكتابة في هذا الموضوع ثم دخل المنتدى بكامل إرادته ثم كتب ، فأكيد هوه قد المواجهة.
وبعدين ليه هزعل مني كل بنات حواء؟ هوه كل بنات حواء تصنيفهم من الأقسام كلها عدا القسم الأول؟
 
التعديل الأخير:

نورالاسراء

عضو جديد
إنضم
1 يونيو 2006
المشاركات
395
مجموع الإعجابات
0
النقاط
0
ادم هو ادم مش حيتغير مها كان الزمان او المكان حيفضل يسمع لحواء
 
التعديل الأخير:

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
فعلاً أكيد بيسمع لحواء بس هوه دلوقت إتعلم إن بعد ما يسمع الكلام يدخله من ودن ويخرجه من الودن النانية
 

محمدالكاتب

عضو جديد
إنضم
26 فبراير 2006
المشاركات
53
مجموع الإعجابات
0
النقاط
0
الله يخرب عقلك انت الي جبته لنفسك يا بطل اشرب بقى محدش حيتتجوزك يا راجل
 

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
إلى الأخ / محمد الكاتب
أنا أعذرك لإنك لم تقرأ هذا الموضوع التالي حيث أن ما كتبته ما هو إلا رد على هذا الموضوع
فبرجاء قراءة الموضوع التالي و التعليق عليه حتى لايتم تصنيفك كواحد من هذه المجموعة عدا الصنف الأول
فينكم يا رجالة علشان تردوا
على الموضوع نقلاً عن الرابط بنفس المنتدى من الأخت معمارية سكندرية بالملتقى العام بنفس العنوان التالي

:75: اعرفي عريسك بدري بدري.من طريقة أكله ....؟؟؟؟
1.إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.يبقى شخص معتدل في عواطفه وقراراته ويبقى ده آخر الرجال المحترمين.كلبشي.واستعجلي الزفاف والحياة هتبقى بمبي. :20:

2.إذا كان بيحب الأكل زي عينيه.وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟ أموت أنا ويقعد ياكل ويحشر لحد ما يغمى عليه.يبقى إنسان طفس وهوائي وطايش وأوعي تتجوزيه أحسن ياكلك وانتي نايمة....؟ :9:

3.أما إذا كان مش مهتم بالمرة لايقولك ده حلو ولا ده عادب ولا مالح ولا مستوي ولا لسه ني ولا بيعلق أي تعليق وعمره مايقولك جعان أو شبعان يبقى إنسان مالوش لزمه.وزي قلته وأنصحك بدل ما تتجوزيه إتبنيه.وهاتعيشي إنتي الراجل والست ف وقت واحد واعملي حسابك هاتركبيه وتدلدلي رجلييكي. :59:

4.أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي ويقوم من ع الأكل قبل أي حد تاني يبقى متسرع ومتهور في اتخاذ قراراته وممكن بعد الجواااز يكتشف إنك لست ملهمته.ولست فتاة أحلامه ولستِ حلمه ويروح مطلقك بالتلاتة إخلعي إنتي بدري أحسن لكرامتك. :56:

5.أما إذا كان بياكل على مهله.ويمزمز ف كل صنف لوحده.ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب حاسبي منه يا اختي ده النوع اللي له مخ وبيوزن الأمور بطريقه تفقع المرارة ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟ نظااااام شلل رعاش بدري بدري إخلعي يا أمي. :57:


6.أما إذا كان بيقعد يقطع ف الأكل زي مايكون ف خناقة ويخبط فطبق من الغل.ويقطع حتة اللحمة زي ما يكون بيدبحها. ويتفتف ويتكلم.طول ماهو بياكل لما يغرق وشك أكل.ده شخص عصبي جدًاااا ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين.يهدى ويقول لك: "سوووري ياروحي هي جت فيكي.معلش" ""معلش برَّه يا حبيبي وخد الباب ف أيدك"" :73:

7.أما إذا كان دايمًا قرفاااان دايمًا مش عاجبه العجب ولا الصيام في رجب يع. الملوخية تقيلة.ياي السمنة كتيرة على وش الشوربة ياساتر دا محشي ولاصوابع مووووز أووووف الرز محصويل يامَّه المكرونة معجنة.إذا كان كده توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زي الشعرة م العجيييين والأحسن من ده كله مالها القعدة ف بيت أبووووووووكي؟؟
 
التعديل الأخير:

مى725

عضو جديد
إنضم
24 يوليو 2006
المشاركات
67
مجموع الإعجابات
0
النقاط
0
ياحرام تصدق صعبت على ده انتم طلعتوا مساكين واجنا بقى اللى مفتريين:86:

ده انتم صحيح تكدبوا الكدبه وتصدقوها

عموما كل اللى قولته علينا مش مهم على راى المثل:73:


ملقوش فى الورد عيب قالوا يااحمر الخدين
 
إنضم
25 أغسطس 2005
المشاركات
442
مجموع الإعجابات
1
النقاط
0
المهندس / آدم قال:
إعرف عروستك من الأوٍلٍ أحسن ما تيجي بعد كده تتدهوٍلٍ

1ـ لو كانت من النوع ، المتزن العاقل ، لبسها محتشم ، شكلها جميل ، تهتم بك ، تحرص على الإستماع إليك (نصيحة الإعرابية لإبنتها) ، أنصحك بعدم التردد في الإرتباط بها ليس بحبل واحد من المودة والحب ولكن قم بوضع جميع الحبال التي لديك حولها لإنها من النوع النادر في هذا الزمان زمن اللي كان مش هيرجع زي ما كان.

2ـ أما لوكانت من نوع الروشنة ، العقل خفيف ، ورد الفعل سخيف ، والتصرفات يا لطيف ، وبتنفق فلوسك - بطريقة لازم نعمل دايماً لجيوب الراجل عملية تنشيف - ، إحذرها و لاتحاول حتى الإقتراب منها (يعني خطر ممنوع الإقتراب) ، لإنها أولاً ستجعلك في بيتك ضيف (طبعاً لهروبك من البيت أغلب الوقت) ، وجيبك دائماً نظيف ، وبيتك مش هتلاقي فيه تآكل حتى الرغيف ، وهتخللي إسمك شريفة بدل ما يكون إسمك شريف.

3ـ أما لوكانت من نوع التنشنة ، عصبية ، بتتخانق على الرايحة والجاية ، نكدية ، تقلب لك الدنيا إن طلبت منها لو حتى كباية مية ، شرانية (من الشر) ، غلانية (من الغل) ، في هذه الحالة زق عجلك على بره البيت وخليك أحسن زي ما رحت زي ما جيت ، قبل ما تلاقي دماغك مفتوحة في الحيط ، وأهلك بيعيطوا عليك بصراخ وصويت ، وينقلوا جثتك للمشرحة في الوقت الذي لاتنفع فيه حتى كلمة يا ريت.

4ـ أما لوكانت من النوع اللي بتمشي ورا أمها ، وعلى كل حكاية في بيتك تقول لها ، وفضحاك في كل حتة وإنت مش بتهمها ، حتى جيرانك عارفين عنك كل شيء منها ، ولسانها دائماً خارج فمها ، تشوفها تقول دي تصرفات عيلة مش واحدة في سنها ، نصيحتى لك إنفد بجلدك منها ده إذا لقيت عندك جلد ، لإن أي حياة أفضل منها حتى لو قعدت لوحدك في الغابة على الشجر زي القرد ، وقلبي عندك يا وٍلٍد ، وما تتأخرش في القرار ده يا بٍلد.

5ـ أما إذا كانت من النوع الغيور عليك ، تدخل البيت تلاقي نظراتها حادة كأنك متهم ومقبوض عليك ، تشم في ريحة هدومك وجسمك من رأسك حتى رجليك ، تستجوبك كنت فين ومع مين وحصل إيه وإزاي ودايما تشك فيك ، ونتيجة الشك ده ممكن بالإبره تصفيك ، وبالأكياس البلاستيك تعبيك ، وتوزعك على كل دول العالم لغاية دولة التشيك. دي بقى مشكلتها طول ما إنت معاها ما فيش حاجة هتعجبها ولا تريحها ، حتى لو جبت ليها كل سمنة العالم وتسيحها ، وعلشان كده أفضل حاجة تسيبها وتريحها.

ولسه هنكمل

شكرا على هذا الاسقاط الهندسي الرائع ....:75:
 

مروة2009

عضو جديد
إنضم
14 يوليو 2006
المشاركات
363
مجموع الإعجابات
1
النقاط
0
اقولك حاجه لو الصفات اللى فى كل الانواع اللى انت كتبتها متوفرتش فى بنت حتكون البنت دى مش طبيعيه
يعنى لو بتتعصب وتتنشن لو حصل مشكله يبقى معندهاش دم
ولو مكنتش اللى بتحكى لمامتها كل حاجه تبقى مش حتحكيلك حاجه لانها حتكون اتعودت على كده
واذا ماكنتش بتغير حيبقى مش بتحب ومش مهتمه
وعلشان كده كفايه تدوروا على عيوب حواء علشان مش حتلاقوا:75: :77:
 

محمدالكاتب

عضو جديد
إنضم
26 فبراير 2006
المشاركات
53
مجموع الإعجابات
0
النقاط
0
البنت دي الي فيها كل الصفات دي فكل النقاط اكيد تكون من نصيبك
 

profshimo

عضو جديد
إنضم
29 يونيو 2006
المشاركات
1,318
مجموع الإعجابات
1
النقاط
0
كلامك حلو قوى وأنا معاك فى كل حرف قنته مع احترامى الشديد لكل البنات فى الملتقى بس أنت معاك حق...برافووووووو...فى انتظار الجديد.
 

الصقلية

عضو جديد
إنضم
19 أغسطس 2006
المشاركات
53
مجموع الإعجابات
0
النقاط
0
أنا بصراحة قرأت الموضوعين فإذا كان الموضوع بجد فتعليقي هو:

إذا كنت عاوز عروسة فإتبع حديث عن أبي هريرة رضي الله عنه عن النبي صلى الله عليه وسلم قال " تنكح المرأة لأربع لمالها ولحسبها وجمالها ولدينها فإظفر بذات الدين تربت يداك".

أما إذا كنتى عاوزة عريس فإتبعي حديث النبي صلى الله عليه وسلم "إذا أتاكم من ترضون دينه وخلقه فزوجوه فإن لم تفعلوا تكن فتنة في الأرض وفساد كبير"

و كما قال الله تعالي في كتابه الكريم "الطيبون للطيبات والخبيثون للخيبثات"
 

الصقلية

عضو جديد
إنضم
19 أغسطس 2006
المشاركات
53
مجموع الإعجابات
0
النقاط
0
أما إذا كان الموضوع هزار فما فيش حل إلا إن الصنف الأول من العروسة هيتجوز الصنف الأول من العريس والصنف الثاني من العروسة يتجوز الصنف الثاني من العريس ... وهكذا و ده أفضل حل علشان نحل المشاكل دي .... ويا بخت من وفق صنفين في الحلال.
 

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
إلى المفاعل النووي:
أنا بأعتبر ده مش إسقاط هندسي رائع فقط ولكنه زلزال أتبعه سقوط وإنهيار أظهر حقيقة إعرف عروستك من الأولٍ أحسن ما تيجي بعد كده تتدهولٍ
جزاك الله خيراً وأكثر الله من أمثالك وجعل طاقتك النووية دائماً سنداً لنا في الأغراض السلمية خاصة في موضوعنا هذا الذي نحتاج فيه إلى كل مصادر الطاقة ،وهذا يدل فعلاً إنك عضو فعال جداً ولم تحصل عليها من فراغ.
 
التعديل الأخير:

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
أنت بالفعل عضو متميز

إلى profshimo والذي يشارك معي لأول مرة بالفعل إدارة المنتدى لم تعطك عضو متميز من فراغ فأنت بالفعل عضو متميز وتستحق أكثر من ذلك وهو ما يظهر في تعليقاتك ، أتمنى منك التواجد معي دائماً
 
التعديل الأخير:

المهندس / آدم

عضو جديد
إنضم
28 أغسطس 2006
المشاركات
422
مجموع الإعجابات
1
النقاط
0
إلى الأخت مروة 2009
الموضوع عاوز الأول البحث عن حواء إذا لقيناها نبقى نفكر في عيوبها
 

uday12

عضو جديد
إنضم
6 أكتوبر 2005
المشاركات
52
مجموع الإعجابات
0
النقاط
0
[frame="11 70"][b
]شكرا على موضوعك
بنسبا الى وجود حواء فما شاء الله
الله يكثرهم فقد زادوا عن عدد الرجال وهذه مصيبة علمين راح نوزعهم حتى يتزوجوا
اما بالنسبة الى العيوب اذا كانت بسيطة فمافي واحد ما عندوا عيوب في الدنيا ولكن الشجاع الي يكدر
يغير طريقة تعمله حتى يحبه اكثر
بنسبة الى اختيار حواء
اول شئ عندي اعرف تصرفات الام فاذا كانت طيبة وغير متسلطة في البيت معناه البنت مثل اماه
يعني اي عيب اخر تستطيع انت كراجل تغيره لان حياتك كلها من الزواج الى ان تلقى الله وتسيب زوجتك حواء وانت تبداء تدرس يوم وراء يوم لان سبحان الله حواء دائم تنسى فانت مثل المعلم
فحواء تحمل كيس فيه جميع الخير الذي عملة معها طول حياتك ومن يبدر منك اي شئ تنسى كل الخير الي سويتها وتبداء تسرد مواضيع انت لم تفعلها الانها قد بداءة تحترق من الداخل والله اليستر .الى ما رحم ربي.

ملخص الكلام يا اخي العزيز حواء تعتمد في الدرجة الاساس على شخصية الرجل اذا كانت قوية فتكون متمسكة فيه اكثر .
والله يرحم جداتنا

اخوكم كلكم
لا تزعل من حواء[/b][/frame]​
 
أعلى